Бид өдөр тутамдаа л төмс ашиглаж хоол хийдэг шүү дээ. Харин тус төмсөө хоол хийхэд бус өөр зүйлд ашиглаж болох юм байна. Төмсөөр маск бэлтгэж, нүүрний арьс болон үсээ гоё сайхан болгож болно. Харин нэмээд энэ нь таны гутлыг ч гоёмсог болгох шидтэй аж. Харин чухам яаж гээч? Үүний хариултыг доорх мэдээллээс хүлээж аваарай.
Бид шинэ гутал авчихаад багадуулах үе бишгүйдээ л нэг байдаг шүү дээ. Харин багадсан гутлаа хэн нэгэнд зарах эсвэл өгөх хэрэггүй. Үүнийг төмсний тусламжтайгаар сунгаж болох юм. Төмс яаж ингэж гутлыг сунгаж чадах билээ гэж гайхаж байна уу? Энэ нь чийгтэй салшгүй холбоотой. Төмснөөс ялгарах чийг нь гутлыг сунгаж, размерийг нь томсгох болно.
2 ширхэг тохирсон буюу ижил хэмжээтэй төмс сонгож, хальсална. Үүнийгээ сонингын цаасанд ороож, гутлан дотороо хийгээрэй. Ганц шөнө хонуулахад л гутал тань хангалттай томорсон байхыг та анзаарна.
Нэмээд төмс нь гуталны чийгийг өөртөө шингээж, эвгүй үнэр болон чийг татахыг болиулна. Мөн энэхүү арга нь арьсан гутланд илүү тохиромжтой, баттай үр дүнг үзүүлнэ.