Бүсгүйчүүдийн маань биеийн жиндээ хамгийн их анхаардаг баяр хаяанд иржээ. Иймээс бүсгүй та шинэ жилээс өмнө жингээ хасч, даашинзандаа багтдаг болохыг битүүхэндээ хүсч байгаа бол 1 долоо хоногт 3-4 кг хасах дэглэмийг туршаад үзээрэй.
Шөл бэлтгэх орц:
- 6 ш ногоон сонгино
- 2 ш ногоон чинжүү
- 1 ш улаан лооль, үрсэн
- 1 багц цоохор майлз
- Тал байцаа
- 1 дөрвөлжин тахианы эсвэл үхрийн бульон
- 2 л ус
- Давс, хар перц, сармис, яншуй
Хэрхэн бэлтгэх вэ?
Бүх орцоо жижиглэн хэрчээд ус бульоны хамтаар дунд зэргийн хэмжээтэй саванд хийж буцалгана. 10 минут ширүүн гал дээр тавиж буцалгаад галаа багасган 30 минут буцалгана.
- Дэглэмийн 1 дэхь өдөр: Хүссэн хэмжээндээ жимс (гадил, амтатгуа, шийгуа хориотой), байцааны шөл
- Дэглэмийн 2 дахь өдөр: Хүссэн хэмжээндээ чанасан эсвэл жигнэсэн ногоо, байцааны шөл
- Дэглэмийн 3 дахь өдөр: Хүссэн хэмжээндээ чанасан эсвэл жигнэсэн ногоо, жимс, байцааны шөл
- Дэглэмийн 4 дэхь өдөр: Хамгийн ихдээ 4 гадил, тослоггүй (ослог багатай) сүү, байцааны шөл
- Дэглэмийн 5 дахь өдөр: 1 порц (250 хүртэл гр) шарсан мах, 1 ш улаан лооль, хамгийн багадаа 6 стакан ус, байцааны шөл
- Дэглэмийн 6 дахь өдөр: Хүссэн хэмжээний шарсан мах, ногоо, байцааны шөл
- Дэглэмийн 7 дахь өдөр: Нэг порц давсгүй, тосгүй агшаасан будаа, жимсний шүүс, байцааны шөл
Богино хугацаанд тураадаг энэхүү дэглэмийг долоогоос илүү хоногоор хэрэгжүүлэх нь хүний эрүүл мэндэд хортой гэдгийг анхаарах хэрэгтэй. Дэглэмийн туршид архи, дарс, талх, газтай ундаа зэргийг огт хэрэглэхгүй байх хэрэгтэй шүү бүсгүйчүүдээ. Дэглэмийг яс мөрдсөн тохиолдолд долоо хоногт 7 хүртэл кг турж хүссэн жиндээ хүрэх боломжтой юм. 3-5 кг-с илүү турахыг хүсвэл мөн дэглэмийг давталт хоорондоо 2 долоо хоногийн завсарлагаа авахыг зөвлөдөг байна.
Мэдээж та дээрх дэглэмийг эхлүүлэхийн өмнө мэргэжлийн хүнээс зөвлөгөө авах хэрэгтэйг анхаарна уу.