Хоол боловсруулах систем сайтай буюу ойр ойрхон хүнээр бие засдаг хүмүүс ихэвчлэн туранхай байдаг. Нэг ёсондоо сайн хүндэрч л байвал та таргалалтаас тэгтлээ айх хэрэггүй болно гэсэн үг. Үүнээс гадна эрүүл мэндэд ч ач тустай.
Тэгвэл яг үүнийг эсрэгээр хэд хонож байж ганц хүндэрдэг хүмүүс байдаг. Тус асуудлаас болж амархан жин нэмэх, ходоод гэдэс өвдөх, дотор эрхтнүүд өөхлөх зэрэг хүндрэл үүснэ. Өнөөдөр та бүхэндээ гэдэс дотрыг хормын дотор цэвэрлэх шидтэй ундааг танилцуулж байна. Орц нь ч энгийн, нэмээд үр дүнтэй.
Орц:
- Ус – 1 аяга
- Яншуй – 1 атга
- Нимбэг – 1 ширхэг
- Зөгийн бал – 1 халбага
Усаа буцалгаж бэлтгэнэ. Үүн дээрээ жижиглэж хэрчсэн яншуй болон нимбэгний шүүсээ хийж, ахин 1-2 минут буцалгаарай. Гал дээрээс аваад зөгийн балаа нэмж хутгана. Ундаагаа бага зэрэг хөргөөд уугаарай.
Таван өдрийн турш өглөө бүр өлөн дээрээ үүнийг бэлтгэж уух хэрэгтэй. Ингэснээр гэдэс тэр дороо цэвэрлэгдэж, та хүндээр бие засч, гэдэс суларна. Та үүнийг курсээр хэрэглэх ёстой бөгөөд 5 хоног дарааллаж уусны дараа, 10 хоног өнжиж, ахин 5 хоног ууна. Үүний ачаар ахиж та өтгөн хатах, хүндэрхгүй удах вий гэх айдасгүй болох юм.
Ундааны ач тус
- Өөхийг шатааж, гэдсийг цэвэрлэхийн зэрэгцээ хорт бодисыг гадагшлуулна.
- Яншуй нь хамгийн хүчтэй антиоксидантуудын нэг төдийгүй С, К, А витаминаар баялаг тул таны биеийг амин дэмээр тэтгэнэ.
- Нимбэг, яншуйны нийлбэр нь таны дархлааг дэмжиж, бактер, микробыг устгана.
