Самрын чөмөгний найрлагад тос, тослог 59.9 хувь, уураг 19.6 хувь, нүүрстөрөгч 16.7 хувийг эзлэхийн зэрэгцээ цардуул эрдэс бодис, витамин зэрэг бусад бодис агуулагддаг. Энэ чанарыг харгалзан самрыг эмчилгээ, гоо сайхан, хүнсний зориулалтаар өргөн хүрээтэй ашигладаг байна. Өнөөдрийн байдлаар хушны самрыг тос, цөцгий, майонез, шокалад зэрэг бүтээгдэхүүн үйлдвэрлэхэд өргөн дэлгэр ашиглаж байна. Тэгвэл үүнээс гадна самрыг хүүхэд ханиад тусахаас урьдчилан сэргийлэх зорилгоор ашиглаж болдог гэдгийг та мэдэх үү?
Хичээл сургууль эхэлж, улирал солигдож байгаа энэ үед мөн хүүхдүүд олноор нэг дор цугларч байгаа энэ үед ямарч сайн дархлаатай хүүхэд нэг нэгнээсээ ханиадны вирус аваад байдаг. Яг ийм үед аяга сүүнд + атга хушны самар хийгээд /ястай / буцалгаад халуун бүлээнээр нь унтахын өмнө хамгийн багадаа 3 орой дараалан өгвөл нэн тустай байдаг. Миний хүүхэд өвдвөл таны хүүхэд өвдөнө, таны хүүхэд өвдвөл миний хүүхэд өвдөнө, хүүхдүүдээ эрүүл байлгая ээж аавуудаа! Мөн хушны самрыг хоёр нас хүртэлх хүүхдэд өгөхгүй байхыг зөвлөдөг. Харшилтай бол тэрнээс дээш насны хүүхдэд ч өгөхгүй байхыг зөвлөдөг тул та энэ зөвлөмжийг хэрэгжүүлэхдээ анхаарч үзэхийг анхааруулж байна.
Үүнээс гадна хуш модны самарт агуулагддаг Е болон F төрлийн амин дэмийг хөхүүл эхийн хөхний сүүг нэмэгдүүлэхэд хэрэглэдэг. Эрт дээр үеэс хуш модны самрыг ардын эмнэлэгт мэдрэлийн өвчин уушигны сүрье, бөөр болон давсаг ходоод гэдэсний өвчин судасны хатуурал, цус алдалт, арьсны өвчинг илааршуулахад ашигласаар иржээ. Хоолны дуршилыг бууруулна, ингэснээр жин хасахад тусална. Чөлөөт радикалууд нь хөгшрөлтийг удаашруулна. Ханаагүй тосны хүчил нь зүрх судасны өвчний эрсдлийг бууруулж, холестерол бууруулдаг ач тустай юм.